Բարի գալուստ ԵՄ Թումո համալիր
Ճարտարապետությունը
Երևանի ԵՄ Թումո համալիրը նախագծելու ցանկություն հայտնեց 67 ընկերություն 24 երկրից: Համարձակ և նորարարական առաջարկներ ստանալուց հետո ժյուրին առանձնացրեց 3 ընկերություն: Նրանք եկան Երևան երկօրյա աշխատանքային այցի, որի արդյունքում էլ որոշվեց հաղթողը:
Ի վերջո, նոր համալիրը նախագծելու համար ժյուրին ընտրեց հոլանդական MVRDV ճարտարապետական ընկերությունը, որի նորարարական դիզայներական առաջարկները ամբողջովին համապատասխանում էին նախագծի նպատակի հետ, որն է` ընդգրկուն հարթակ, համագործակցային հանգույց և հասանելի, հանրային բաց տարածքով և զարգանալու հնարավորություններ ստեղծող կենտրոն ունենալը: Երևանի՝ Հրազդան գետի կիրճին նայող նոր կառույցի նախագծումն այժմ ընթացքի մեջ է։
MVRDV-ի նախագծերից մի քանիսը Ռոտերդամում, Պուտսզյանում և Տյանցզինում: ԵՄ Թումո համալիրի նախագիծը կհրապարակվի 2022-ին։
Թումո լաբեր
Թումո լաբերը տեխնոլոգիաների և ինժեներության անվճար կրթական հանգույց է, որը կապում է բարձրագույն կրթությունն արդյունաբերության հետ: Թումո լաբերի կրթական ծրագիրը կազմված է ուղղորդված ինքնուսուցման և գործնական նախագծերի բաղադրիչներից։ Այս երկու՝ միմյանց փոխլրացնող մեթոդները հնարավորություն են տալիս ուսանողներին ձեռք բերել գիտելիքներ տեխնոլոգիաների, կիրառական գիտության և ինժեներության ոլորտներում, այնուհետև ամբողջացնել դրանք գործնական հմտություններով։ Արդյունքում ձևավորվում են ժամանակակից աշխատաշուկայի պայմաններին համապատասխան մասնագետներ։
Իմացեք նախաձեռնության մասին ավելին այստեղ`tumolabs.am.
42 Երևան
42 Երևանն իր տեղն է գտել ֆրանսիական առաջատար 42 դպրոցների ցանցում, որում արդեն իսկ ընդգրկված են Սան Ֆրանցիսկոն, Փարիզը, Մոսկվան, Տոկիոն և 26 քաղաքներ ամբողջ աշխարհում: Ամբողջովին անվճար այս կրթական ծրագիրը ուղղված է ապագայի ծրագրավորողներ պատրաստելուն և հիմնված է խաղային դիզայնով ինքնուսուցողական պլատֆորմի վրա, որտեղ ուսանողները իրականացնում են գործնական առաջադրանքներ և կատարելագործում իրենց հմտությունները: Ուսումնական պլանը առաջարկում է 150-ից ավելի նախագիծ, որոնք անընդհատ թարմացվում են` համապատասխանեցվելով ոլորտի նորագույն պահանջներին:
Դիմեք 2022 ընդունելությանը` 42yerevan.am.
Կապվել մեզ հետ
Հեռ: +374 10 398413
Էլ․ հասցե: eutumocc@tumo.org
Հասցե: Հալաբյան 2ա, Երևան, Հայաստան